GENERAL INFORMATION
Home
About the District
Administration
Services
Priority Sectors
Announcements
Tender and Jobs
Documents
News & Events
Useful Links
E-mboni
FEATURES
Forum
Mail to the Mayor
Photo Gallery
Video & Clips
Feedback
FAQs
Staff e-mail
KIREHE JADF
SWAA Rwanda
KWAMP
GFI
UNICEF
Croix Rouge Rwandais

Kirehe hatashwe umunara wa Radio Rwanda ivugira kuri 99.3 FM

Abayobozi bafungura umunara

Kuri uyu wa 14/04/2016, Minisitiri w’ubutegetsi bw’igihugu yatashye ku mugaragaro umunara mushya wa Radio Rwanda urwego rukuru rw'itangazamakuru RBA wa Repubulika yemereye abatuye mu kibaya cy’akagera aho Radio Rwanda itumvikanaga.

Minisitiri w’Ubutegetsi bw’Igihugu Francis Kaboneka akaba yafunguye umunara wa Radio Rwanda afatanjiniwe na Minisitiri w’ubuhinzi n’ubworozi Dr Gerardine Mukeshimana,Minisitiri w’ibikorwa by’inama y’abaminisitiri Stella Ford Mugabo hamwe na Guverineri w’Intara y’Iburasirazuba.

Afungura uyu munara wuzuye mu karere ka Kirehe mu kagari ka Kiyanzi yasobanuriye abaturage ko baje gufungura ku mugaragaro umunara wa Radio Rwanda bemerewe na Nyakubahwa Perezida wa Repubulika Paul Kagame ubwo yasuraga Akarere ka Kirehe mu mwaka w’2014.

Minisitiri Kaboneka akaba avuga ko ibyo basabaye Perezida wa Repubulika ko bahabwa umunara wa Radio Rwanda kugira ngo bajye bayumva ko imvugo ariyo ngiro,Minisitiri akaba yakomeje abwira abatuye mu murenge wa Mpanga ko bagomba gukura amaboko mu mifuka bagakora bakiteza imbere.

Uyu munara ukaba ubu usakaza amajwi amajwi ku murongo wa 99.3 FM.

Nk’uko ubuyobozi bwa RBA bubitangaza uyu munara uje nk’igisubizo kuri icyo kibazo kuko ubu  abatuye imirenge ya MAHAMA, MPANGA, NYAMUGARI, KIGARAMA na MUSAZA, bumva Radio Rwanda neza cyane kuri uyu murongo mushya wa 99.3 FM.
Ubuyobozi bwa RBA buvuga kandi ko uyu murongo mushya uje kunganira indi isanzwe yumvikaniraho Radio Rwanda muri Kirehe,ariyo 92.4 FM, 100.7 FM cg 103.9 FM, 104.7 FM cg 88 FM.

Gutangiza Kwibuka ku nshuro ya 22 byabereye mu kagari ka Nyabitare

Gutangiza icyunamo ku nshuro ya 22
Abaturage n'abayobozi mu rugendo rwo kwibuka abazize Jenoside

Kuri uyu wa 07/04/2016,mu karere ka Kirehe mu murenge wa Nyarubuye mu kagari ka Nyabitare hatangirijwe umuhango wo  kwibuka ku nshuro ya 22 Jenoside yakorewe abatutsi mu mwaka w’1994,ni ku rwibutso rwa Nyabitare.

Muri uyu muhango wo gutangiza kwibuka ku nshuro ya 22 Jenoside yakorewe Abatutsi mu mwaka w’1994 ,Muzungu Gerald umuyobozi w’Akarere ka Kirehe mu ijambo rye yagarutse ku ndangagaciro zikwiye kuranga umunyarwanda birinda amacakubiri yaranze uru Rwanda mu gihe cyatambutse, akaba yavuze ko impamvu zo kwibukira mu murenge wa Nyarubuye mu kagari ka Nyabitare ari uko hari imiryango yazimye burundu ,kurwanya ingengabitekerezo akaba asaba ko byahera mu miryango kuko ariho Jenoside yatangiye yigishwa.

Muri uyu muhango umuyobozi w’Akarere yibukije muri rusange abatuye Akarere ka Kirehe kwirinda ingengabitekerezo ishobora kugaragara mu gihe cyo kwibuka bitso yihanganisha abacitse kw’icumu ababwira ko badakwiye kwiheba kuko icyizere cyo kubaho gihari.

Uhagarariye umuyobozi wa Ibuka mu karere ka Kirehe yibukije ko abacitse ku icumu ko kugeza ubu bamaze kwiyubaka akaba ashimira Leta y’U Rwanda yabibafashijemo anashimira ingabo zabohoye igihugu bitso zikarokora abatutsi bicwaga muri Jenoside,yibukije ko kwibuka bifasha abacitse ku icumu.

Depite Mujawamariya Berthe yatanze ikigariro kivuga ku kamaro ko kwibuka Jenoside yakorewe abatutsi avuga ko impamvu twibuka ari uko hari amateka tugomba kwibuka,akaba asaba ababa bazi aho abishwe muri Jenoside baba bari bagashyingurwa mu cyubahiro.

Mujawamariya yakomeje avuga ko impamvu habaho kwibuka ari ukugira ngo hafatwe ingamba kugira ngo Jenoside yakorewe abatutsi ntizongere kubaho ukundi.

Insanganyamatsiko yo kwibuka ku nshuro ya 22 Jenoside yakorewe abatutsi igita iti: “Kwibuka Jenoside yakorewe abatutsi turwanya ingengabitekerezo ya Jenoside”.

Ibiro by’umupaka wa Rusumo byafunguwe na Perezida w’U Rwanda n’Uwa Tanzaniya

Perezida Kagame na Perezida Magufuli bafungura umupaka wa Rusumo
Ifoto y'abayobozi ku mpande zombi
Ibuye ry'ifatizo ku mupaka wa Rusumo

Kuri uyu wa gatatu tariki 06/042016, mu karere ka Kirehe ku mupaka wa Rusumo Perezida w’uRwanda  Paul Kagame na Perezida wa Tanzaniya na Dr Joseph Pombe Magufuli bafunguye ku mugaragaro ibiro by’umupaka wa Rusumo, hamwe n’ikiraro cya Rusumo gihuza u Rwanda na Tanzaniya ibi bikaba byakozwe mu rwego rwo gushimangira umubano w’ibihugu byombi.

Mu ijambo Magufuli yagejeje ku bitabiriye uyu muhango, yavuze ko akeneye umubano w’ibihugu byombi aho yavuze ko mu muryango w’ibihugu bya Afurika y’Iburasirazuba bafite abaturage benshi bityo ko ku bufatanye bw’ibuhugu byombi nta cyananirana.

Perezida Magufuri akaba yashimiye abaterankunga bose bafashije kugira ngo ibiro bya gasutamo bihuriweho byubakwe.,akaba yavuze ko mu minsi ibiri azamara mu Rwanda azaba amaze kuhigira byinshi.

Perezida Paul Kagame akaba yavuze ko U Rwanda rwishimiye kwakira Perezida w’igihugu cya Tanzaniya Magufuli uje gusura U Rwanda mu gihe cy’iminsi ibiri,akaba yagize ati: “ Twakiriye Perezida Magufuli na Madamu n’abandi  bamuherekeje muri uru rugendo rw’ubucuti”.

Perezida KAGAME yakomeje avuga ko nk’igihugu cy’U Rwanda bishimye abashyitsi ba Tanzaniya  kandi igihugu cy’ u Rwanda kibasezeranya ko uyu mubano mwiza uzakomeza gukura uko imyaka isimburana.

inyubako y’ikiraro mpuzamahanga cya Rusumo n’inyubako zigikikije (one stop Border Post Facilities)v hagati y’u Rwanda na Tanzaniyani ibikorwa byubatswe n’igihugu cy’Ubuyapani, Perezida Magufuli yashimiye buri wese wabigizemo uruhare.

Perezida Dr Joseph Pombe Magufuli yatangiye uruzinduko rw’iminsi ibiri mu Rwanda, kuri uyu wa gatatu nyuma yo gufungura umupaka wa Rusumo ku wa kane tariki ya 07/04/2016 akazifatanya n’Abanyarwanda mu gikorwa cyo gutangiza kwibuka ku nshuro ya 22 Genoside yakorewe abatutsi. 

Abakobwa bitwaye neza mu bizami imbuto Foundation yarabahembwe

Inkubito z'icyeza zimaze guhembwa
Ifoto bamaze guhembwa
Abarangije umwaka wa Gatandatu
Ubwo abayobozi babahaga ibihembo
Vice Presidente w'inteko umutwe wa Sena

Kuri uyu wa 30/03/2016, igikorwa cyo guhemba inkubito z’icyeza zigizwe n’abana b’abakobwa batsinze neza amashuri abanza, ndetse n’abasoje amashuri yisumbuye mu rwego rwo kubashimira ibikorwa by’indashyikirwa bagezeho barabihembewe aho bahawe ibikoresho bitandukanye birimo Mudasobwa.

Ari kumwe n’abayobozi batandukanye Vice Presidente w’inteko Ishinga amategeko umutwe wa Sena Harerimana  Fatu nyuma y’ibiganiro bitandukanye byari bigamije kureba inzitizi zikiboneka mu burere bw’umwana w’umukobwa, inkubito z’icyeza bagaragaje ko imyumvire ku burere bw’umwana w’umukobwa igenda izamuka bakaba bavuga ko ari nayo mpamvu nabo bifuza gukomeza gutera imbere.

Inkubito z’icyeza bari baturutse mu turere tugize intara y’iburasirazuba bagaragaje ko n’ubwo uburere bw’umwana w’umukobwa butezwa imbere ngo haracyari inzitizi zo kuba ababyeyi badashyira imbere gahunda z’umwana w’umukobwa bakaba bavuga ko bikwiye gukomeza gukurikiranwa bagatera imbere.

Guverineri w’Intara y’Iburasirazuba Odette Uwamariya akaba yarabibukije ko bagomba gukomeza kumva ko nabo bashoboye bityo abasaba kubishishikariza n’abandi bakjobwa baba basize iwabo.

Vice Presidente w’inteko Ishinga amategeko umutwe wa Sena Harerimana  Fatu Ati “Uburere bwiza ku bana bugomba kuva ku babyeyi babo n’abarezi babo kuko nibo bafite inshingano zo kubarera mu buryo bubateza imbere,akaba yafashe umwanya wo gushimira inkubito z’icyeza bitwaye neza anababwira ko ibihembo bahawe aribyo Nyakubahwa Madamu wa Repubulika Jeannette Kagame.

Ibi birori byaranzwe no guhemba inkubito z’icyeza, abana b’abakobwa bishimiye iki gikorwa, baaimbira kandi ko bazakomeza kuba indashyikirwa aho bazaba bari hose.

Nyuma y’umuganda rusange abawitabiriye bahawe ibiganiro ku buzima n’imyororokere

Umuganda bakorera ishyamba
Abaturage bari bitabiriye ari benshi
Nyuma y'umuganda bashyizehoMorari
Depite Mujawamariya atanga ibiganiro

Kuri uyu wa 26/03/2016,mu karere ka Kirehe kimwe nahandi mu Rwanda habereye umuganda rusange usoza ukwezi kwa Werurwe ukaba wabereye mu murenge wa Kigina mu kagari ka Rwanteru aho hakorewe ishyamba.

Uyu muganda usoza ukwezi kwa Werurwe ku rwego rw’Akarere wabereye mu murenge wa Kigina mu kagari ka Rwanteru ahakorewe ishyamba,abaturage bakaba bari bitabiriye uyu munda rusange,umuyobozi w’ishami ry’ubutegetsi n’imicungire y’Abakozi Mwiseneza Ananie wari uhagarariye ubuyoibozi bw’Akarere yashimiye muri rusange uburyo uytu muganda witabiriwe,hakaba kandi hatanzwe n’ibiganiro bitandukanye birimo ikiganiro kuri gahunda yo kwirinda Marariya,ubuzimz bw’imyororokereye no kwirinda SIDA.

Depite Mujawamariya Berthe mu biganiro yahaye urubyiruko hamwe n’abaturage muri rusange,akaba yibukije ko uburezi n’uburere bigomba kwitabwahokurwanya amakimbirane hamwe no gukumira icyaha kitaraba.

Depite Mujawamariya yibukije ko bagomba kwitondera kugurisha ubutaka anabibutsa ko isuku ari isoko y’ubuzima yabibukije ko u Rwanda rutifuza abantu bafite umwanda.

Uyu muganda witabiriwe n’abayobozi batandukanye barimo inzego z’umutekano,abayobozi b’Akarere hamwe n’abaturage muri rusange,nyuma y’uyu muganda kandi abayobozi bafashe n’umwanya wo gukemura ibibazo bitandukanye abaturage baba bafite.

Abandi 30 bagize urwego rw’umutekano DASSO barahiriye gukora umurimo biyemeje

Abagize DASSO bashya barahira
Abagize DASSO
Umuyobozi w'Akarere yakira indahiro zabo
Abayobozi bitabiriye umuhango

Kuri uyu wa 17/03/2016, abagize umutwe wa DASSO (District Security Support Organ) 30 bashya barahiriye kuzuza inshingano bahawe mu karere ka Kirehe banizeza abanyarwanda gukorera igihugu nkuko babirahiriye mu ndahiro.

Muzungu Gerald, Umuyobozi w’Akarere ka Kirehe nyuma yo kwakira indahiro y’abagize DASSO yabahaye impanuro ababwira ko bagiranye igihango n’igihugu,abasaba ko bagomba gukorera igihugu nkuko babirahiriye, abizeza ubufatanye n’ubuyobozi bw’Akarere  kandi abibutsa ko bagomba ko bagiye gukorera abaturage igihugu n’Akarere.

Yagize ati “Ntimuzatatire igihango mugiranye n’igihugu. Ejo nidusanga mutangiye gufata umuturage mumutwara ibye kandi ariwe mugiye gukorera murumva ko muzaba mutatiye igihango mu byo mushinzwe hari ugufasha ubuyobozi bw’ibanze umuturage wakosheje”.

Umuyobozi w’akarere yakomeje abasaba gukunda igihugu no gukunda abaturage. Uru rwego rw’umutekano rwa DASSO rwarahiye kuri uyu wa mbere w’icyumweru gitaha nibwo bazagezwaho aho bazakorera mu mirenge yose uko ari 12 igize Akarere ka Kirehe.

Kirehe umunsi mpuzamahanga w’umugore wizihijwe baremera imiryangango itishoboye

Abayobozi bakurikirana umunsi mukuru
Byari bishyushye muri kankobwa
Aba ni abakomezaga kwishimira umunsi mukuru
Umuyobozi w'Akarere avuga ijambo
Imiryango yaremewe

Kuri uyu 08/03/2016 umunsi mpuzamahanga w’umugore mu karere ka Kirehe wizihirijwe mu mirenge yose igize akarere ka Kirehe,ku rwego rw’Akarere ubera mu murenge wa Mpanga mu kagari ka Nyakabungo

Umuhuzabikorwa w’Inama y’Igihugu y’Abagore mu Karere ka Kirehe, Uwingabiye Alice yasabye abitabiriye ibirori gutoza umukobwa kuzavamo umubyeyi ukwiye bamurinda ihohoterwa, kandi abasaba kubishimangira bahurira mu mugoroba w’ababyeyi.

Yagarutse ku kuba hari abagore batuzuza inshingano zabo uko bikwiye bityo abasaba kwikubita agashyi bagakomeza kuba ba mutima w’urugo,barinda ihohoterwa mu miryango.Muzungu Gerald,umuyobozi w’Akarere ka Kirehe ,yashimiye abatuye umurenge wa Mpanga uburyo umunsi mukuru bawuteguye anabasaba kwibuka kujya buri munsi bazirikana kuri uyu munsi mukuru kuko ariwo gushimira uruhare abagore bagira mu iterambere,kandi ko bafatiye runini igihugu n’isi muri rusange.

Yagize ati: “Umugore ni mutima w’urugo bakaba bafatiye runini abagabo kuko nibo batubyara asaba buri wese kurinda icyahohohotera umugore cyose”.

Mutesi Anita Depite mu Nteko Ishinga amategeko yasabye gushyigikira ihame ry’uburinganire aho yavuze ko umugore ari uwagaciro,asaba abagore kubaka ingo nziza bafatanije n’abagore babo.

Yagize ati “Birashoboka ko binyuze no mu itorero mu mashuri, abanza n’ayisumbuye, iyo saha yaboneka izo nyigisho zigatangwa tuzareba ibikenewe kugira ngo bishyirwe mu bikorwa.”

Iyi gahunda ikaba izanakorwa ku bandi bana b’abakobwa batari mu mashuri biciye mu itorero riri ku rwego rw’umudugudu.

Hatangijwe ku mugaragaro igihembwe cy’ihinga 2016B

Umuyobozi w'Akarere wungirije ushinzwe ubukungu
Umuyobozi w'Ingabo mu gikorwa cyo gutangiza season B
Umukozi ushinzwe ubuhinzi mu murenge asobanurira abaturage uko bahinga Soya

Kuri uyu wa 2/03/2016, mu karere ka Kirehe hatangijwe ku mugaragaro igihembwe cy’ihinga 2016 B ku rwego rw’Akarere iki gikorwa kikaba cyatangirijwe mu murenge wa Gahara, ahatewe imbuto ya Soya.

Atangiza ku mugaragaro igihembwe cy’ihinga 2016 B, Nsengiyumva Jean Damascene umuyobozi w’Akarere wungirije ushinzwe ubukungu yibukije abaturage ko bagomba guhinga ibihingwa byatoranijwe mu murenge bakirinda kuvangamo ibitatoranijwe,aho yibukije Umurenge wa Gahara ko bagomba guhinga Soya,Ibishyimbo,Ibigori,Imyumbati hamwe n’inanasi kuko aribyo bihingwa byatoranijwe,yakomeje abibutsa ko bakomeza gukaza amarondo bicungira umutekano hamwe no gutanga ubwisungane mu kwivuza ku gihe.

Umuyobozi w’Akarere wungirije ushinzwe ubukungu akaba yasabye abaturage gukomeza guhinga ibi bihingwa kuko aribyo bibafitiye akamaro nkuko byatoranijwe,iki gikorwa cyo gutangiza igihembwe cy’ihinga 2016 B kikaba cyari cyitabiriwe n’inzego z’umutekano hamwe n’ubuyobozi bw’Akarere aho bafatanije n’abaturage gutera Soya.


Akarere Ka Kirehe Kabonye Abayobozi Bashya

Umuyobozi w'Akarere ka Kirehe
Umuyobozi w'Akarere ka Kirehe arahira
Umuyobozi w'Akarere ka Kirehe wungirije ushinzwe ubukungu
Umuyobozi w'Akarere ka Kirehe wungirije ushinzwe imibereho myiza
Perezida wa Njyanama ari kumwe na Nyobozi
Umuhuzabikorwa w'Inama y'igihugu y'abagore mu Karere

Kuri uyu wa gatanu tariki ya 26-02-2016 ,kimwe n’utundi turere mu Rwanda, Akarere ka Kirehe kabonye abayobozi bashya, nyuma y’aho hari hamaze iminsi hari amatora uhereye ku mudugudu,hakaba hatowe Komite Nyobozi hamwe n’abagize Biro y’inama Njyanama y’Akarere hamwe n’abagize Inama Njyanama y’Akarere. 

Abayobozi batowe ni Muzungu Gerald watorewe umwanya w’Umuyobozi w’Akarere,Nsengiyumva  Jean Damascène watorewe kuba Umuyobozi w’Akarere wungirije ushinzwe ushinzwe iterambere ry’ubukungu, Mukandarikanguye Gerardine watorewe kuba umuyobozi w’Akarere wungirije ushinzwe imibereho myiza y’Abaturage.

 Muzungu Gerald  umuyobozi w’Akarere ka Kirehe mu ijambo rye yasabye ubufatanye n’umurava  mu kazi ka buri munsi akaba yarashimiye by’umwihariko ikizere yongeye kugirirwa bamuha inshingano zo kuyobozra Akarere.

Yagize ati: “Mbashimiye icyizere mwongeye nkaba mbasaba ubufatanye muri byose kugira ngo twese imihigo nkuko twabyiyemeje”.

Muri aya matora hakaba haratowe Biro y’inama Njyanama y’AKarere ka Kirehe igizwe na Perezida Rwagasana Ernest,Hitayezu Jean Baptiste akaba ariwe Vice Perezida hamwe n’umwanditsi ariwe  Mukamugema Edith,hakaba haranatowe kandi n’umuhuzabikorwa w’inama y’ihihugu y’Abagore.

Intumwa z’Abakozi mu karere zasobanuriwe amategeko agenga umukozi

Abari bayoboye inama
Intumwa z'abakozi na komite z'ubuzima n'umutekano bitabiriye inama

Kuri uyu wa 09/02/2016, mu karere hateraniye amahugurwa y’intumwa z’abakozi yakoreshejwe na Minisiteri y’Abakozi ba Leta n’umurimo ku bufatanye n’Akarere ka Kirehe,aya mahugurwa akaba yari yatumiwemo abahagarariye intumwa z’abakozi na komite z’ubuzima n’umutekano mu kazi.

Atangiza amahugurwa Nzabonimpa Fidele,umukozi ku karere ushinzwe umurimo akaba yaribukije abayitabiriye ko ari gahunda yo kubamenyesha inshingano zabo mu rwego rwo kujya basobanurira abakozi bagenzi babo uburenganzira bwabo kugira ngo babashe gusobanukirwa n’amategeko abagenga.

Intumwa za Minisiteri y’abakozi ba Leta n’umurimo bakaba basobanuriye aba bakozi itegeko rigenga abakozi amakuru Yerekeye Ubuzima N’umutekano Ku Kazi,aho bahawe ikiganiro

 kuri politike y’igihugu y’ubuzima n’umutekano ku kazi, bakaba basobanuriwe ko iyi politike ishingiye ku Kugabanya umubare w’impanuka n’indwara zikomoka ku kazi mu Rwanda. Ibi birasaba ko Leta, inzego zitandukanye, abakoresha n’abakozi bagira umuco wo gukumira impanuka n’indwara zikomoka ku kazi bagatanga  Compensation ku bakozi bashobora guhura n’ibyago bikomoka ku kazi.

Izi ntumwa za Minisiteri y’abakozi ba Leta n’umurimo zasobanuye ko Iyi Politike ireba Igihugu cyose by’umwihariko inzego za Leta ,abikorera ku giti cyabo, imiryango mpuzamahanga n’imiryango itari iya Leta. Ireba imirimo yanditse n’itanditse.

Umujyanama wa Komite Nyobozi y’Akarere Mukundwa Emmanuel asoza aya mahugurwa akaba yibukije abayitabiriye ko ari uburenganzira bwabo kumenya amategeko abagenga, akaba yabibukije ko amategeko ari imwe mu nkingi zishyira mu bikorwa Politiki iyo ari yo yose kandi ko amategeko agomba kuba ajyanye n’igihe, asobanutse kandi asubiza ibibazo Bihari nkuko izi ntumwa za Minisiteri y’Abakozi ba Leta n’umurimo babigarutseho ko amategeko agomba kuba areba abakozi bose mu nzego zose kandi akaba agaragaza neza uburenganzira n’inshingano z’abakozi n’abakoresha.

Aya mahugurwa yari yitabiriwe n’intumwa z’abakozi na komite z’ubuzima n’umutekano mu kazi mu karere mu rwego rwo gusobanukirwa n’amategeko abagenga.

Umunsi w’intwari wizihijwe abatuye Gahara bamurika ibikorwa byabo

Umunsi mukuru w'Intwari
Abaturage n'abayobozi bacinya akadiho
Mini-Expo y'ibikorwa
Aba ni abari bitabiriye ibirori
Akarasisi k'abamotari n'abanyonzi

Mu karere ka Kirehe kimwe n’ahandi mu Rwanda ,ku itariki ya 01/02/2016 mu mudugudu wa Dagaza, mu kagari ka Murehe ho mu murenge wa Gahara, hizihijwe umunsi mukuru Intwari ,uyu munsi mukuru ukaba wari witabiriwe n’abatuye uyu murenge hamwe n’ingabo na polisi n’abakozi bakorera mu murenge n’Akarere

Umuyobozi w’Agateganyo w’Akarere ka Kirehe Zikama Eric , yibukije abaturage bo mu murenge wa Gahara mu mudugudu wa Dagaza aho umunsi mukuru wabereye ko umunsi w’intwari uba tariki ya 1 Gashyantare buri mwaka ari umunsi ubibutsa aho igihugu cy’u Rwanda cyavuye, aho bagomba kwishimira ibyiza abatuye u Rwanda bamaze kugeraho.

Zikama Eric umuyobozi w’agateganyo w’Akarere ka Kirehe ,yakomeje avuga ko iki gihugu cyacu kigeze heza tugomba gukomeza kubungabunga umutekano wacyo kuko intwari zacu niwo zaharaniraga. Yabasabye gukomeza kurwana n’urugamba rwo gusigasira ibyagezweho bagaharanira kwiteza imbere.

Umwe mu batuye mu murenge wa Gahara yavuze ko ubutwari ari ikintu tugomba guharanira buri munsi kandi ko Intwari igaragarira mu bikorwa bya buri munsi,akaba avuga ko abaturage bagomba gutera ikirenge mu cy’Intwari zabigaragaje zikanabyitangira.

Umuyobozi w’Agateganyo w’Akarere akaba avuga ko mu bikorwa bikorwa byose bya buri munsi buri muturage yakwiye kujya arangwa n’ibikorwa biganisha ku butwari ibyo bikaba bishobora kugaragarira mu gukomeza kwibungabungira umutekano.

Abaturage kandi bavuga ko bazakomeza ibikorwa byo kubungabunga umutekano w’u Rwanda no kuranya uwo ari wese washaka kongera gukura amacakubiri mu Banyarwanda.

Uyu munsi mukuru w’iNtwari waranzwe n’ibirorri bitandukanye,akarasisi k’abatuye Gahara,hamwe no kumurika bimwe mu byo bagezezeho mu rwego rwo kwiteza imbere.

Abatuye mu karere ka Kirehe bishimiye uburyo Itegeko Nshinga baritoye

uku niko bari babiteguye
Vice Mayor ageza ijambo ku baturage
Abaturage bari bitabiriye ku bwinshi
Bacinya akadiho

Kuri uyu wa 23/12/2015,mu karere ka Kirehe ubuyobozi bw’Akarere bufatanije n’ubuyobozi bw’imirenge yose igize Akarere ka Kirehe habereye igikorwa cyo kwishimira insinzi nyuma yo kwitorera itegeko Nshinga,ubuyobozi  bw’Akarere bufatanije n’abaturage mu mirenge yose iki gikorwa bakaba barakishimiye.

Ku rwego rw’Akarere iki gikorwa cyo kwishimira uburyo amatora yagenze yo gutora Itegeko Nshinga bikaba byarakorewe mu murenge wa Kigarama,igikorwa abaturage bishimiye bityo bakaba baraboneyeho no gukora ubusabane bityo banacinya n’akadiho,bavuga ko bishimira ko batoye Yego.

Karambizi Alphonse ni umunyamabanga Nshingwabikorwa w’umurenge wa Kigarama mu ijambo yafashe yashimiye abaturage uburyo bitwaye mu matora y’Itegeko Nshinga,yagize Ati: “Mu izinz ry’abo dufatanije kuyobora ndabashimira uburyo mwitwaye mu matora y’itegeko Nshinga,mukaba muratantengushye ahubwo twarafatanije mu gutora Yego,ibi ni ibigaragaza ko imiyoborere imeze neza”.

Murekatete Jaqueline,Umuyobozi w’Akarere ka Kirehe wungirije ushinzwe imibereho myiza y’Abaturage nawe yashimiye uburyo bitwaye neza mu matora y’Itegeko Nshinga akaba yarabasabye gukomereza aho kuko bigaragaza uburyo bitabira gahunda za Leta.

Iki gikorwa cyari cyitabiriwe n’ubuyobozi bw’akarere,ubuyobozi bw’Ingabo na Polisi namwe n’abatuye umurenge wa Kigarama muri Rusange,igikorwa cyasojwe n’ubusabane.

IMiryango 83 yorojwe muri gahunda ya Girinka mu karere

Abaturage bahabwa inka
Inka bahawe
Abayobozi babaha impanuro zo gufata neza inka bahawe

Abarojwe batuye mu Karere ka Kirehe bishimira ko gahunda ya Girinka bigaragara ko mu minsi iri imbere izaba imaze kugera kuri buri munyarwanda mu rwego rwo kwikura mu bukene.

Aba bakaba babivuze ubwo bashyikirizwaga kuri uyu wa kabiri tariki 22 Ukuboza 2015, inka 83 zatanzwe muri buri murenge uko ari 12 igize Akarere ka Kirehe.

Madalina Mukandekwe ni umukecuru w’imyaka 71 wo mu mudugudu wa Byinana Akagari ka Kirehe mu murenge wa Kirehe, yishimiye gushumbushwa inka kuko iye yapfuye akaba ashima Perezida Paul Kagame kuba yarazanye gahunda ya Girinka.

Akaba yavuze ko agiye gufata neza inka yahawe nawe akazitura kandi ngo ibyangombwa byose birahari kuko afite ikiraro cy’inka cyubatse neza akaba afite n’ubwatsi buhagije.

Elias Barihuta we yamaganye abafata nabi inka bahawe, aho yavuze ko abazigurisha n’abakazifata nabi abo batarikumwe, yavuze ko igomba kubyara akitura izindi akazifata neza.

Abo baturage basanga guhabwa inka ari uburyo bwo kubafasha mu iterambere haba mu mirire no kwifasha mu bundi buzima busanzwe, kuko urugo rwagezemo inka ruba rusezeye ubukene.

Niyonagira Nathalie umukozi w’akarere ushinzwe ubworozi, yasabye abahawe inka kuzifata neza boroza abandi muri gahunda yo kurwanya ubukene.

Mukundwa Emmanuel umujyanama wa Komite Nyobozi mu karere ka Kirehe akaba yasabye aborojwe na Nyakubahwa Perezida wa Repubulika gufata neza inka bahawe bazirinda kwicwa n’inzara kandi banazifata neza kugira ngo nabo bazoroze bagenzi babo inka zimeze neza.

Mu gihe abamaze guhabwa inka muri Kirehe binyuze muri Gahunda ya Gira inka bagera ku bihumbi 12, iyo gahunda izakomeza igere ku muturage wese udafite ubushobozi bwo kwigurira inka hagamijwe kumufasha gutera imbere.

 

 

Abatishoboye 5,000 barihiwe ubwisungane mu kwivuza

Umuyobozi w'Akarere bamushyikiriza Cheque ya Miliyoni 15
Bafashe ifoto y'urwibutso na bamwe mu barihiwe ubwisungane

Kuri uyu wa 25/11/2015, mu karere ka Kirehe umuryango Restore Rwanda Ministries ku bufatanye na Samaritan’s Purse uyu muryango ukaba ari itorero rikorera mu bihugu bitandukanye harimo n’Urwanda batanze ubwisungane mu kwivuza ku baturage batuye mu karere ka Kirehe ibihumbi bitanu bakaba bahaye Akarere ka Kirehe Cheque ingana n’amafaranga miliyoni cumi n’eshanu.

Umuyobozi w’Akarere ka Kirehe Muzungu Gerald mu gikorwa cyo kwakira iyi nkunga yo kurihira abatishoboye ubwisungane mu kwivuza akaba yasabye abaturage bari bahagarariye abandi muri iki gikorwa gushaka uko mu minsi iri imbere kujya babasha kwirihira ubwisungane mu kwivuza nk’uko gahunda ya Leta ari ukwigira bakirinda gutekereza ko bazakomeza bafashwa kuko inkunga bahabwa n’ibafsha muri iyi minsi ariko ubutaha ko bagomba kuzaba bafite ubushobozi bwo kuba bakwirihira.

Bishop Joseph Karasanyi uhagarariye umuryango Restore Rwanda Ministries akaba yavuze ko biushimiye gufasha abatuye akarere ka Kirehe mu rwego rwo gukomeza kwigira akaba avuga ko gufashas abaturage ari igikorwa cy’Imana akaba avuga koi torero n’ubuyobozi bakora bimwe aribyo byo guteza imbere umuturage.

Uwantege Lenatha utuye mu murenge wa Kirehe mu kagari ka Nyabikokora akaba avuga ko yishimiye kuba abonye ubwisungane mu kwivuza aho avuga ko atazongera kurembera mu nzu,akaba yashimiye abafatanyabikorwa baba bibutse ku bantu badafite uburyo bakwishyura ubwisungane mu kwivuza.

Iki gikorwa kikaba cyari cyitabiriwe n’uhagarariye Samaritan’s Ministries Woubishet Mengstu hamwe n’umuyobozi w’umuryango Restore Rwanda Ministries Bishop Joseph Karasanyi bakaba batanze Cheque ya Miliyoni cumi n’eshanu zizafasha abaturage ibihumbi bitanu kubarihira ubwisungane mu kwivuza. 

 

 

Hateranye inama yo gutegura igikorwa cyo gutera imiti no gushyira ifumbire mu ikawa

Abari mu nama
Abayobozi bari bayoboye inama

Kuri uyu wa 12/10/2015 mu karere ka Kirehe hateraniye inama yahuje abanyamabanga Nshingwabikorwa b’imirenge,abashinzwe ubuhinzi mu mirenge,abahagarariye Koperative zihinga kawa hamwe n’inganda zihinga kawa mu rwego rwo gutegura uburyo bwo gutera umuti n’ifumbire mu makawamu mwaka wa 2016A.

Iyi nama ikaba iyobowe n’umuyobozi w’Akarere ka Kirehe Muzungu Gerald,aho ari gukangurira abari muri iyi nama kuzafasha abahinzi ba kawa gutera imiti n’ifumbire,muri rusange mu karere ka Kirehe ubutakaba bwateganijwe guteraho kawa harimo ubwa Leta hamwe n’ubutaka bw’abaturage,mu murenge wa Gahara bateganya gutera kawa kuri Ha 88,Gatore ni Ha 233,5,Kigarama ni Ha 35,5 Kirehe ni 78,7 Mpanga 121,1 Musaza 92,4.

Ubu muri gahunda yihutirwa akarere kan Kirehe ni ukugeza ingemwe mu murenge wa Mpanga zirwanwa ku zindi Pepiniyeri  kuko mpanga ntayo,hakaba hari na gahunda yo kugenzura ko ubutaka buzaterwaho kawa bwamaze gutegurwa,

Abahinga kawa bavuga ko pepiniyeri zateguye ubu nta kibazo bafite cyo kuba habura ingemwe,iyi nama ikaba yasojwe bafashe ingamba zo kubungabunga no kurengera igihingwa cya kawa ku bufatanye

Abatwara ibinyabiziga baributswa kubahiriza amategeko y’umuhanda

Abayobozi bitabiriye igikorwa
Aba ni abari mu rugendo rutangiza igikorwa
Abayobozi mu rugendo

Kuri uyu wa 22/09/2015, mu karere ka kirehe hatangijwe ku mugaragaro ukwezi kwahariwe kubahiriza amategeko y’umuhanda abantu barengera ubuzima,ibi bikaba ari uburyo bwo gutangiza ukwezi kwahariwe umutekano mu muhanda.

Umuyobozi  w’Akarere wungirije ushinzwe imibereho myiza y’abaturage Murekatete Jaqueline atangiza iki gikorwa ku mugaragaro yibukije abatwara ibinyabiziga bose kwirinda kwiyahura bagendera ku muvuduko ukabije,asaba kandi n’abagenzi kwibutsa abatwaye kwirinda umuvuduko ukabije.

Yibukije n’abagenzi  kujya bitwara neza mu muhanda kuko usanga nabo bari mu bateza impanuka mu buryo budasobanutse.

Mu gutangiza ukwezi kwahariwe umutekano wo mu muhanda mu karere ka Huye, umuyobozi w’ Akarere wungirije ushinzwe imibereho myiza y’Abaturage, yakomeje basaba abatwara ibinyabiziga gukoresha neza umuhanda uko amategeko abisaba, mu rwego rwo kwirinda impanuka zikigaragara. Abakoresha ibinyabiziga bakaba nabo bemeza ko iyo habayeho kubahiriza amategeko n’ibimenyetso byo mu muhanda, bigabanya impanuka.

Umuyobozi wa Polisi mu karere ka Kirehe SPT Safari Christian akaba nawe yakomeje gusaba abakoresha ibinyabiziga kwirinda umuvuduko ariko akaba avuga ko ugereranije n’umwaka ushize muri uyu mwaka bigaragara ko impanuka zari zaragabanutse,bakaba kandi basaba n’abana bava mu mashuri kugenda neza mu mihanda mu rwego rwo kwirinda impanuka.

Uyu muyobozi wa Polisi mu karere akaba yibukije abagenzi ko umuhanda ukoreshwa n’abagenda n’amaguru hamwe n’abakoresha ibinyabiziga bityo ko bisaba kugendana ubushishozi mu muhanda,akaba yakjomeje kwibutsa abatwara ibinyabiziga ko birinda gutwara basinze cyangwa se bavugira kuri za telephone kuko biri mu biteza impanuka.

Ukwezi kwahariwe umutekano wo mu muhanda mu karere ka Kirehe gutangijwe tariki ya 22/09/2015 bitwe na gahunda zindi zari zihari,ku rwego rw’igihugu kukaba kwaratangijwe ku itari ya 07/09/2015,aho insanganyamatsiko igira iti: “Ubahiriza amategeko y’umuhanda urengere ubuzima”

Inama mpuzabikorwa y’Akarere ka Kirehe yateranye aho bareberaga hamwe ibiteza imbere Akarere

Abayobozi bitabiriye inama Mpuzabikorwa
Minisitiri muri MINALOC hamwe n'abandi bayobozi
Mayor asinyana imihigo n'abayobozi b'imirenge
Umurenge wa Musaza witwaye neza wahawe igikombe
Minisitiri Kaboneka Francis

Kuri uyu wa 15/06/2015, mu karere ka Kirehe hateraniye inama mpuzabikorwa ikaba yarimo abayobozi batandukanye barimo abayobozi b’imidugudu hamwe n’abandi bakozi bakorera mu karere ka Kirehe.

Nk’uko biteganywa n’Ingingo ya 139 y’Itegeko N0 87/2013 ryo kuwa 11/09/2013 rigena imitunganyirize n’imikorere y’inzego z’imitegekere y’igihugu zegerejwe abaturage, Komite Mpuzabikorwa itumizwa kandi ikayoborwa n’umuyobozi w’Akarere.

Umuyobozi w’Akarere ka Kirehe Muzungu Gerald yasabye abitabiriye iyi nama kuyitangamo umusanzu w’ibitekerezo kugira ngo bagire uruhare mu kwiyubakira Akarere by’umwihariko n’Igihugu muri rusange.

Umuyobozi w’Akarere yagaragaje ibikorwa by’ingenzi Akarere kamaze kugezwaho n’imiyoborere myiza bikaba byarahinduye imibereho y’abatuye mu karere bimwe muri byo ni amashanyarazi, ubuhinzi buvuguruye bukoresha ifumbire,inyongeramusaruro, guhinga imbuto z’indobanure ziberanye n’Akarere , kuvomerera hakoreshejwe amazi y’ibiyaga.

Umuyobozi w’Akarere yakomeje agaragaza gahunda z’imbere mu baturage, girinka, imyuga n’ubukorikori, guteza imbere imyubakire y’umujyi, kugeza amazi meza ku baturage 80%, Imirenge 2 itaragezwaho amashanyarazi ni Mpanga na Mushikiri umuriro uzagezwayo muri uyu mwaka twongereho3%.

Umuyobozi w’Akarere yasobanuriye abitabiriye inama ko uyu mwaka wa 2015/2016 imihigo izatwara miliyari zisaga zirindwi, aboneraho gushimira uruhare rwa Leta muri iyi gahunda y’imihigo.

Yakomeje ageza ku bitabiriye inama imihigo y’Akarere uko ikubiye mu nkingi enye za Guverinoma: Ubukungu, Imibereho myiza, Imiyoborere myiza n’Ubutabera.

 

Minisitiri w’ubutegetsi bw’igihugu Kaboneka Francis yatangiye ashimira abakuru b’imidugudu, asaba ko intambwe ikomeje guterwa mu rwego rwo kwivana mu bukene ari iyo kwishimira, aboneraho gushimira abayobozi ku nzego zose ko zibigiramo uruhare.

Asaba buri wese gusoza inshingano ze ntawe usigaye cyangwa ngo arangare, yagize ati “Amikoro murayafite, amahirwe murayafite igisigaye ni ugushyira hamwe no gukataza mugana ku ntego mwihaye,nta gushidikanya ibyo nimubikora muzesa imihigo. Muharanire guhindura imyumvire, isuku n’imirire mibi bizahita bicika”.

Iyi nama mpuzabikorwa ikaba yari yitabiriwe n’abayobozi batandukanye barimo Minisitir w’Ubuhinzi n’ubworozi Geraldine Mukeshimana,Depite Mujawamariya Berthe,Guverineri w’Intara y’iburasirazuba,hamwe n’abandi bayobozi batandukanye barimo n’abakuru b’imidugudu,inama mpuzabikorwa ikaba kandi yabereyemo igikorwa cyo guhemba imirenge yitwaye neza mu mwaka wa 2014/2015 hamwe no guhemba abayobozi b’imidugudu babaye indashyikirwa bakaba bahemwe amagere.

Inama yo kunoza imihigo ya 2015/2016 yateranye mu karere ka Kirehe

Abayobozi bayoboye inama
Abari bitabiriye inama

Kuri uyu wa 26/08/2015 mu karere ka Kirehe hateraniye inama mu rwego rwo kurebera hamwe itegurwa ry’imihigo y’umwaka wa 2015/2016 n’uburyo ishyirwa mu bikorwa inama ikaba yahuje abanyamabanga Nshingwabikorwa b’imirenge igize akarere ka Kirehe,abakozi b’Akarere hamwe n’abandi bafatanyabikorwa mu rwego rwo kunoza imihigo.

Umuyobozi w’Akarere ka Kirehe Muzungu Gerald wari uyoboye iyi nama akaba yasabye abakozi bose bitabiriye iyi nama gukomeza gushyira ingufu mu bikorwa by’imihigo mu rwego rwo guharanira kuyesa mu buryo nyabwo bityo akarere ka Kirehe kakaba kabona umwanya ushimishije.

Uyu muyobozi w’Akarere akaba yasabye ko buri mukozi agomba kugira igikorwa cy’umuhigo icye mu rwego rwo guharanira iterambere ry’Akarere ka Kirehe.

Umuyobozi w’Ingabo mu karere ka Kirehe,Bugesera na Ngoma Col. Rurangwa Ephrem akaba yasabye buri mukozi wese kunoza gahunda y’imihigo mu rwego rwo guhesha ishema akarere ka Kirehe,akaba asaba abakozi gukorera hamwe mu rwego rwo gukomeza guteza imbere akarere.

Iyi nama yari yitabiriwe n’abakozi bakorera ku karere,abanyamabanga Nshingwabikorwa b’imirenge,abayobozi b’ingabo hamwe n’umuyobozi wa Polisi.

Abadepite mu Nteko Ishinga amategeko basuye Akarere ka Kirehe

Abadepite bari mu nama nabayobozi ba Kirehe
Aba ni abari bitabiriye inama

Abadepite mu nteko ishinga amategeko ubwo basuraga Akarere ka KIrehe basabye ko abayobozi bakomeza gushyira ingufu mu kibazo cy’isuku mu rwego rwo gufasha abaturage gutura ahameze neza ibi bakaba barabyibukije mu rwgego rwo gukomeza kurwanya isuku nke mu ngo.

Aba badepite basuye Akarere ka Kirehe ni Depite Mujawamariya Berthe hamwe na Depite Munyangeyo Theogene bakaba ari nabo bahagarariye Akarere ka Krehe aho bagiranye inama n’abayobozi batandukanye kuri uyu wa 18/07/2015 mu ngamaba zafashwe  harimo gukomeza gukora ubukangurambaga mu baturage hifashishijwe komisiyo z’isuku zashyizwe mu midugudu.

Aba Badepite bakaba bari basuye Akarere ka Kirehe muri gahunda y’Inteko Ishingamategeko yo kugenzura gahunda y’isuku. Mu nama nyunguranabitekerezo n’ abayobozi batandukanye kuva ku rwego rw’Akarere kugera ku kagari ndetse n’abafatanyabikorwa bafite aho bahurira n’isuku.

Aba Badepite bakaba barasabye abayobozi bitabiriye iyi nama gukomeza gukora ubugenzuzi bwimbitse kuri gahunda y’isuku mu rwego rwo gufasha abaturage batuye mu karere ka Kirehe kwitabira isuku muri rusange.

Ukwezi kw’urubyiruko kwasorejwe mu karere ka Kirehe

Minisitiri afungura inzu y'urubyiruko

Mu karere ka Kirehe hasojwe ukwezi kwahariwe urubyiruko mu rwego rw’igihugu ku wa 30 Gicurasi 2015 aho Minisitiri w’Urubyiruko n’Ikoranabuhanga, Jean Philbert Nsengimana, yafunguye ku mugaragaro ikigo cy’urubyiruko anahakorera igikorwa cy’umuganda usoza ukwezi.

Minisitiri Nsengimana Philbert wamaze iminsi ibiri mu karere ka Kirehe yasuye ibikorwa bitandukanye birimo amakoperative y’urubyiruko hamwe no gusura ikoranabuhanga,yavuze ko ibigo byurubyiruko bigomba gutanga serivise zihurijwe hamwe aho yavuze ko  urubyiruko rwigira hamwe indangagaciro z’igihugu, ibijyanye n’ubuzima bw’imyororokere, kwihangira imirimo bishakira ibisubizo n’ibindi.

Yasabye ko amahirwe urubyiruko rwabonye adapfa kuboneka hose ngo ni yo mpamvu icyo kigo kigomba kubyazwa umusaruro.

Nyuma yo kugaragarizwa imbogamizi z’ubuke bw’ibikoresho urubyiruko ruzifashisha yavuze ko nubwo ibikoresho bikiri bike ngo ibihari bikoreshejwe neza urubyiruko rwagera ku ntego yarwo.

Guverneri w’Intara y’Iburasirazuba, Odette Uwamariya, yashimiye umushinga HDP wubatse iki kigo cy’urubyiruko ashimira n’urubyiruko ubushake n’inyota bagaragariza icyo kigo.

Umuyobozi w’Akarere ka Kirehe Muzungu Gerald akaba yarashimiye Minisitiri kuba yarahisemo kuza kwifatanya n’Akarere ka Kirehe mu gikorwa cyo gusoza ukwezi k’urubyiruko

Mukunzi Emile, uhagarariye urubyiruko mu Karere ka Kirehe, nyuma yo kugaragaza ibyo urubyiruko rumaze kugeraho yavuze ko byose babikesha imiyoborere myiza mu izina ry’urubyiruko rwa Kirehe asaba ko ingingo y’101 y’Itegeko Nshinga ivugururwa Perezida Paul Kagame agakomeza kuyobora nk’umuntu wagejeje urubyiruko kuri byinshi.

Perezida Kagame yashyikirije imodoka yemereye koperative COCAMU

Imodoka Yahawe COCAMU
Minisitiri muri Presidance niwe wayibashyikirije
Aha babahaga ibyangombwa byayo

Koperative COCAMU yashyikirijwe imodoka yemerewe na Nyakubahwa Perezida wa Repubulika kuri uyu wa 07/05/2015 aho bayishyikirijwe na Minisitiri muri Perezidanse Tugireyezu Venantie mu murenge wa Musaza.

Minisitiri Tugireyezu yavuze ko iyi modoka ari impano Perezida yabemereye mu rwego rwo kubafasha mu mikorere myiza ya Koperative yabo.

Minisitiri Tugireyezu yavuze ko ari umwanya utagira uko usa wo kwakira impano bagenewe na Perezida Paul Kagame, izabafashe mu bikorwa byabo bya buri munsi. Ni ikimenyetso cy’urukundo Perezida abafitiye muzayifate neza kandi ibateze imbere”.

Abagize COCAMU bishimiye iyo mpano kuko ngo babonye imbaraga nyinshi mu iterambere ry’ibikorwa byabo, bakavuga ko batazigera batenguha Perezida Kagame muri gahunda afite zo guteza imbere abanyarwanda.

Iyi modoka yashyikirijwe COCAMU kuri uyu wa 07 Gicurasi 2015, ifite agaciro k’amafaranga y’u Rwanda miliyoni 40 n’ibihumbi 500,Bamurabako Juvenal, umuyobozi wa Koperative COCAMU yavuze ko ikibazo bari bafite cyo kugeza kawa ku ruganda gikemutse babikesha Nyakubahwa Perezida wa Repubulika ku mpano ikomeye y’imodoka.

Yavuze ko batazigera batenguha Perezida Paul Kagame bongera ingufu mu kazi kabo kuko imodoka bari bakeneye yabonetse, bagasaba ko itegeko nshinga ryahindurwa Kagame agakomeza kuyobora igihugu.

Koperative COCAMU yabonye ubuzimagatozi mu mwaka wa 2006 itangirana n’abanyamuryango 30. UbuKoperative COCAMU igizwe abanyamuryango 584 barimo abagore 226.

COCAMU isarura toni 200 za kawa mu gihembwe kandi buri mwaka abanyamuryango bagabana ubwasisi bwa miliyoni zigera ku 100 z’amafaranga y’u Rwanda.

Minisitiri Kanimba Francois yasuye Akarere ka Kirehe

Basura umupaka wa Rusumo
Minisitiri Kanimba ari kumwe nabandi bayobozi

Kuri uyu wa 24 Mata 2015, Ministiri w’Ubucuruzi n’Inganda mu Rwanda, Francois Kanimba mu ruzinduko yagiriye mu Ntara y’Uburasirazuba mu karere ka Kirehe yasuye ibikorwa bitandukanye, anareba aho igishushanyombonera cy’isoko rizafasha mu bucurzi bwambukiranya imipaka rya Rusumo aho kigeze.

 Kanimba yasuye aho iri soko rizubakwa ku mupaka wa Rusumo uhuza u Rwanda na Tanzania, aganira n’abacuruzi bo muri aka karere ka Kirehe.

Abacuruzi babwiye Minisitiri impungenge z’uko iri soko rishobora kuzaba Aho gukorera hadahagije, gusa abakoze iki kigishushanyombonera babwiye Minisitiri ko bateganyaga ko nibura biro imwe izajya ikorerwamo n’abantu barenze umwe.

Minisitiri Kanimba wari uri kumwe n’umuyobozi w’Intara y’Uburasirazuba, Uwamariya Odette bijeje Abanyakirere ko bazungukira cyane kuri iri soko, kuko ngo nta wundi uzahabwa uburenganzira bwo kuguramo imigabane mu gihe Abanyakirehe by’umwihariko bazaba batararangiza gukwirwa.

Gasana, umwe mu bacuruzi yagize ati “Ni amahirwe kuri twe kuko tugiye kuzajya turangurira hafi yacu tutiriwe tujya i Kigali nk’uko byari bisanzwe aho ibicuruzwa byaducagaho bikabanza kujya i Kigali.”

Minisitiri Francois Kanimba yavuze ko mu byatekerejweho cyane, ikijyanye no gufasha abacuruzi ba Rusumo kugabanya ingendo bakoraga bajya kurangura i Kigali na cyo cyarimo.

Yagize ati “Bizanafasha abacuruzi ba hano muri Kirehe bajyaga bakora ingendo bajya kurangura za Kigali. Mu byo twatekerejeho iki na cyo cyarimo, ubu bazajya barangurira hano ku mupaka aho amakamyo azajya apakururira.”

Uretse gusura uyu mupaka wa Rusumo, Minisitiri Kanimba yanasuye n’ibikorwa bitandukanye birimo uruganda rw’umuceri, uruganda rutunganya umushonge ukorwamo amavuta avamo pafium ruri mu murenge wa Gahara ndetse na Koperative yumisha inanasi bakazohereza i Burayi.

Icyunamo mu karere ka Kirehe cyatangijwe hibukwa abaguye ku cyambu cya Migera

Aba ni abibukiraga ku mazi
Umuyobozi w'Akarere ka Kirehe ashyira indabo ku cyambu

Kuri uyu wa 07/04/2015, kimwe n’ahandi mu gihugu mu karere ka Kirehe hatangijwe icyunamo mu midugudu yose igize Akarere ka Kirehe aho ku rwego rw’Akarere byatangirijwe mu murenge wa Mpanga mu kagari ka Nasho mu mudugudu wa Busasamana aho kwibuka byabereye ku nkengero z’Akagera ku cyambu cya Migera.

Abatanze ubuhamya mu baharokeye bavuga ko babategeye ku nkengero z’Akagera ubwo bari bagiye guhunga bajya muri Tanzaniya cyane ko abenshi bari bahatuye mu nkengero z’Akagera.

Muzarirehe Elizabeth warokokeye ku cyambu cya Migera yavuze ko ubwo bari bahungiye kuri icyo cyambu interahamwe zahiciye abantu benshi bakizwa na bamwe bari bahafite amato.

Ati “Ubwo abandi bari bamaze kubica twarihishe tuza kubona umugabo witwa Matiyasi twari dusanzwe tumuzi akaba yari afite ubwato aduha abasare tubona turambutse turusimbuka dutyo”.

Padiri Rutinduka Laurent, impuguke ku mateka ya Jenoside yakorewe abatutsi mu mwaka wa 1994 arasaba abanyamadini kwerura bakaganira ku mateka ya Jenoside mu rwego rwo gukura abayoboke bayo mu rujijo.

Yabivugiye ku ruzi rw’Akagera ku cyambu cya Migera, ku wa 07 Mata 2015 ahabereye umuhango wo gutangiza icyumweru cyo kwibuka ku nshuro ya 21 Jenoside yakorewe abatutsi mu w’1994.

Yavuze ko amadini yahembeye ivangura, amacakubiri n’ingengabitekerezo ya Jenoside ndetse bamwe mu bayobozi bayo bateshuka ku nshingano zabo.

Nk’uko bivugwa n’impuguke ku mateka ya Jenoside, ku cyambu cya Migera ngo hatujwe abantu muri 1982 birukanwe muri Uganda n’uwari Perezida Milton Obote.

Muri 1991 nibwo batangiye kubica babita ibyitso by’inkotanyi barakomeza no muri Jenoside yakorewe abatutsi mu w’1994.

Muzungu Gerald, Umuyobozi w’Akarere ka Kirehe yasabye abaturage gukomeza kurushaho kwimakaza ubumwe barwanya ipfobya rya Jenoside yakorewe abatutsi.

Mu rwego kuremera uwacitse ku icumu mu mudugudu hakaba hatanzwe inka ku muturage wacitze ku icumu witwa Mbabazi Claire ifite agacio k’ibihumbi 200.

Ubu umubare nyawo w’abatutsi biciwe ku cyambu cya Migera nturamenyekana.

Ibiyobyabwenge ni ikibazo kibangamira umutekano n’iterambere-IGP Gasana

Mu rugendo rwo kwamagana ibiyobyabwenge

Kuri uyu wa 19/03/2015, mu karere ka Kirehe ku bufatanye na Polisi y’Urwanda habereye igikorwa cy’ubukangurambaga mu rwego rwo kurwanya ikoreshwa ry’ ibiyobyabwenge Umuyobozi wa Polisi y’igihugu IGP Emmanuel  K. Gasana akaba yibukije abatuye Kirehe cyane cyane urubyiruko kurwanya no gukumira ibiyobyabwenge kuko biri mu biteza umutekano muke Kandi bikagir n’ingaruka mbi ku babinywa.

Umuyobozi mukuru wa Polisi y’igihugu IGP Emmanuel K. Gasana yibukije abari bateraniye muri iki gikorwa ko ibiyobyabwenge ikibazo kibangamira umutekano n’iterambere bityo asaba ko ubu bufatanye bwakomeza kugira ngo iki cyaha gicike burundu mu gihugu,akaba uyu muyobozi wa polisi akaba yakomeje yibutsa abari aho ko u Rwanda rwageze kuri byinshi abaturage bakwiye gukomeza gushaka ibibateza imbere aho kwishora mu biyobyabwenge bibangiririza ubuzima.

Umuyobozi w’Akarere ka Kirehe Muzungu Gerald yavuze ko n’ubwo mu karere ka Kirehe hagenda hagaragara abafatanwa ibiyobyabwenge cyane urumogi ko Akarere ku bufatanye na Polisi hamwe n’abatuye Akarere ka Kirehe bashyizeho ingamba zihamye zo kubirwanya akaba yakomeje Akangurira abaturage b’Akarere ka Kirehe gukomeza gutanga amakuru ku gihe mu gihe hari aho baketse ko haba hagaragara ibiyobyambwenge birimo n’urumogi,uyu muyobozi akaba yashimiye ingamba za polisi zo kurwanya ibyaha bitandukanye by’umwihariko urumogi.

Umuvugizi wa Polisi y’Urwanda Chief Superintendent Celestin Twahirwa yavuze ko Polisi yahisemo gutangiza iki gikorwa mu karere ka Kirehe kubera ko aka karere gakunze kurangwamo ibiyobwabwenge cyane urumogi.

Iki gikorwa cy’ubukangurambaga mu kurwanya ikoreshwa ry’ibiyobyabwenge kikaba cyitabiriwe n’abantu batandukanye barimo abayobozi b’inzego z’ibanze bakorera mu karere ka Kirehe,inzego z’umutekano,abatawara abagenzi kuri za Moto n’urubyiruko cyane cyane abanyeshuri aho n’abahanzi batandukanye basusurukije abari aho baririmba indirimbo zikubiyemo ubutumwa bwo kurwanya ibiyobyabwenge.

Ukwezi kwahariwe imiyoborere myiza kwatangijwe mu karere ka Kirehe

Umuyobozi w'Akarere akorana inama n'abaturage

Ukwezi kw’imiyoborere kwatangijwe mu karere ka Kirehe kuri uyu wa 18/03/2015 mu murenge wa Mpanga aho abayobozi bifatanije n’abaturage gutangiza uku kwezi hakemurwa ibibazo bitandukanye.

Umuyobozi w’Akarere ka Kirehe atangiza uku kwezi kwahariwe imiyoborere myiza yibukije abari muri iki gikorwa ko gutanga serivise inoze ariyo gahunda y’ishinshingiro ry’iterambere, yakomeje avuga ko imiyoborere myiza abanyarwanda bakeneye ishingiye ku bikorwa biteza imbere kandi bizana kubaho neza kw’abanyarwanda.

Yakomeje abibutsa ko bagomba gukomeza kugira uruhare mu miyoborere myiza yabo, abibutsa ko imiyoborere myiza irangwa no gushyira abana mu ishuri bakiga, gukora ukabona ikikubeshaho no kugira amahoro n’umutekano bigufasha gukora ugatera imbere.

Yakomeje abasaba gukomeza ubufatanye muri byose kugira ngo bakomeze kubungabunga ibyagezweho, anabizeza ubufatanye kugira ngo iterambere ndetse n’imiyoborere myiza ikomeze kwimakazwa no gutera imbere mu karere kabo ndetse no mu gihugu hose.

Mu bindi byagarutweho ni ugukangurira abaturage kwicungira umutekano,kurinda abana gutwita bakiri bato kandi bagakomeza gukumira icuruzwa ry’abana rigaragara muri iyi minsi.

Ukwezi kw’imiyoborere myiza kwatangiye ku itariki 18/03/2015 kukaba kuzasozwa ku itariki ya 02/03/2015 aho gifite insanganyamatsiko igira iti: “Gutanga serivise inoze: “Ishingiro ry’imiyoborere myiza”

Njyanama idasanzwe yemeje ingengo y’imari ivuguruye

Abari mu nama Njyanama y'akarere

Kuri uyu wa 13/02/2015,inama Njyanama idasanzwe yateranye yemeza ingengo y’imari ivuguruye y’umwaka wa 2014/2015.

Umuyobozi w’inama njyanama y’Akarere ka Kirehe yagaragaje impungenge nyinshi asaba ko akarere kakwirinda kugwa mu mutego wo guhombya imari ya Leta hirindwa kongera kwisobanura imbere y’intumwa za rubanda.

Ingengo y’imari ivuguruye yemejwe hiyongeyeho miliyoni 114, imaze kwemezwa na Njyanama y’Akarere

Perezida w’inama Njyanama Rwagasana Erneste avuga ko basanze iyatowe mbere yari yarakozwe neza ariko basanga hari ibindi bikenewe gukorwa n’Akarere muri uyu mwaka, biba ngombwa ko yongerwaho amafaranga asaga ho gato miliyoni 114.

Muzungu Gerald Umuyobozi w’Akarere ka Kirehe avuga ko igenamigambi ryakozwe rizashyirwa muri gahunda kuko ngo habayeho kujya inama n’abafatanyabikorwa, n’inzego zinyuranye zizatanga ubufasha.

Ingengo y’imari y’Akarere ka Kirehe yavuye ku mafaranga 9,221,216,881 igera kuri 9,335,598,674 hagambiriwe kongera ibikorwa bijyanye n’iterambere mu karere.

Polisi y’igihugu yashimiye Akarere ka Kirehe mu mikoranire myiza

Umuvugizi wa Polisi aha Moto umuyobozi w'umurenge wa Mushikiri
Umuvugizi wa Polsi CSP Twahirwa Celestin
Abayobozi bari bitabiriye umuhango
Abana bagize Itorero imitavu biteguye guhabwa Uniform

Kuri uyu 04/02/2015 mu murenge wa Musaza habereye igikorwa cyo gutanga ibihembo ku murenge wa Mushikiri hamwe n’umurenge wa Gahara aho urwego rw Polisi y’igihugu bahaye abana bagize itorero Imitavu impuzankano bazifashisha mu itorero ryabo naho Umurenge wa Mushikiri ugahembwa Moto.

Nkuko umuvugizi wa Polisi ku rwego rw’igihugu  CSP Celestin Twahirwa yabisobanuye ngo Moto yahawe Umurenge wa Mushikiri nk’umurenge wabashije kwigurira Moto kugira ngo bicungire umutekano wabo neza bityo na Polisi ibongera indi kugira ngo bakomeze kuwubungabunga neza,naho itorero Imitavu ryo mu murenge wa Gahara ryahawe impuzankano(Uniform) n’abana bitwaye neza mu gukomeza gukangurira abaturage gahunda za Leta harimo no kurwanya ibiyobyabwenge,bakaba bahawe impuzankano(Uniform)ifite agaciro k’ibihumbi Magana atandatu (600,000 FRW).

Umuyobozi w’Akarere ka Kirehe Muzungu Grald akaba yarasabye abatuye iyi mirenge ya GAhara na Mushikiri hamwe n’indi mirenge muri rusange gukomeza gukora neza bityo bakaba babona n’ibindi bihembo mu minsi iri imbere bigataha mu karere ka Kirehe aho kujya mu tundi turere.

Ibi Polisi y’igihugu yabikoze mu gihe mu minsi ishize Akarere ka Kirehe kari karahawe imodoka mu rwego rwo kuba ubuyobozi bw’Akarere bwarafatanjije na Polisi mu kurwanya ibiyobwabwenge hamwe no kwicungira umutekano muri rusange.

IBYEMEZO BY'INAMA NJYANAMA Y'AKARERE KA KIREHE YATERANYE KUWA 10/10/2014




Abazanye Urumuri binjira muri Camp Kigali
Abazanye Urumuri binjira muri Camp Kigali
Abaturutse Kirehe baherekeje urumuri
Abayoboye itsinda rivuye kirehe
Abana baririmbye indirimbo yo kwakira urumuri
Abayobozi batandukanye banditse ubutumwa muri iki gikorwa
Ubuyobozi bw'Akarere ka Nyarugenge bwasigaranye Urumuri rutazima



Inkunga yazaniwe abari mu nkambi

Abakiriye imfashanyo
Abanyeshuri basabanye n'abana

















Location
kirehe.png
SOCIAL WELFARE
Health Care
Education
Culture
Sports
Vulnerable groups
Infrastructure and ICT
ECONOMY
Agriculture
Industry
Tourism
Trade
Taxation
Land & Housing
POLICY
Good Goverance
Performance Contracts
Justice
Agasozi Ndatwa
Itorero
 
Copyright Republic of Rwanda, KIREHE District